Прогнозлаштириш ва макроиқтисодий тадқиқотлар институтида “Она тилим-фахрим, ғурурим” ва “Мангуликка дахлдор ватанпарварлар” мавзусида онлайн давра суҳбати ўтказиш мўлжалланмоқда.

Ушбу учрашув кучли маънавият уйғунлигини таъминлашга қаратилган тарғибот тадбирлари доирасида 21 май соат 15-00 да ўтказилади.

Инсон учун Ватани, ота-онаси, оиласи қанчалик муқаддас бўлса, она тили ҳам шунчалик азиздир. Ҳаттоки, гўдак ҳам дунёни она тили орқали англайди.

Шунинг учун доим тил, миллат, Ватан тушунчалари ёнма-ён юради. Тилсиз жамият ривожланмайди, тараққий топмайди. Она тили – миллат руҳи, ор-номуси. Она тилимизга муҳаббатни одамларнинг самимий суҳбатларида кўриб, беихтиёр шундай эл фарзанди эканлигимиздан фахрланамиз.

Маҳмудхўжа Беҳбудий ўзбек ва форс-тожик тилларида икки юздан ортиқ мақола ва асарлар яратган. «Мунтахаби жуғрофияи умумий» («Қисқача умумий жуғрофия» 1903), «Китоб-ул-атфол» («Болалар учун китоб», 1904), «Мухтасари тарихи ислом» («Исломнинг қисқача тарихи», 1904), «Амалиёти ислом» (1905), «Русиянинг қисқача жуғрофияси» (1908) каби дарслик ва китоблар шулар сирасидан.

М.Беҳбудий 1899 йилда ҳажга бориб, у ердан муфтий унвонига эга бўлиб қайтган. 1920-1930 йилларда Қарши шаҳри Беҳбудий номи билан аталган.

Мазкур давра суҳбатини тарих фанлари доктори, Ўзбекистон жаҳон тиллари университети профессори Дилором Бобожонова олиб боради.

Иштирокчилардан тадбир бошланишидан 10 дақиқа олдин уланишни сўраймиз.

Бунинг учун идентификация рақами 815 2450 5066, порол 111888 ва ҳавола: https://us02web.zoom.us/j/81524505066?pwd=VTAvQWd6dU1UUzRtRDV2UXhUYzc0UT09

Ушбу мавзуларга қизиққанларни давра суҳбатида кутиб қоламиз. Агар ушбу мавзуларда сизни қизиқтирган саволлар  бўлса, Д.Бобожоновага йўллашингиз мумкин.